"Unha parte da documentación acumulada no Arquivo Xeral da Administración e noutros departamentos, ten adquirido xa, transcorridos vinte e oito anos desde a creación da Xunta de Galicia, carácter histórico", asegura o goberno. É por iso que o venres aprobou no Consello da Xunta o decreto no que se formaliza a creación do Arquivo de Galicia, que terá a súa sede na Cidade da Cultura. O Arquivo terá como funcións recibir os documentos das administracións de ámbito autonómico e facer a selección dos documentos administrativos que deberán ser preservados para o futuro.
