O Sorriso de Daniel reclama unha "xestión democrática" do patrimonio

Son tres administracións e entidades distintas pero nos últimos meses tiveron o mesmo procedemento: iniciar obras de forte impacto no patrimonio e no medio sen consultar nin informar previamente aos veciños, nin integralos nos procesos de toma de decisións e impacto. Trátase das obras na contorna da Ponte Ribeira de Sarria e as do Castelo de Monterrei en Ourense. Hoxe, a Asocación O Sorriso de Daniel, de defensa do Patrimonio, denunciou os dous casos e solicitou unha xestión democrática do patrimonio.