Un castelo que non se quere así

A transformación do castelo e acrópole de Monterrei nun parador de luxo xenerou unha forte contestación social na comarca de Verín. Miles de veciños protestaron por esta reconversión para un pazo que estaba destinado, nos termos da cesión, a usos culturais. O CCG publicou hoxe á mañá un informe no que explica a posición da institución fronte ás reformas de Monterrei.

A sección de Patrimonio e Bens Culturais, dirixida por Iago Seara, publicou hoxe á mañá un informe sobre a situuación controvertdia do castelo de Monterrei. O proxecto da Xunta de construír un parador no recinto fortificado, existindo un parador anterior a poucos centros de metros de distancia, xenerou unha importante contestación socail.

Tendo en conta a información achegada polas plataformas na súa petición, visitas particulares e reunións con representantes das diferentes institucións que promoven a actual reforma e construción dun hotel no interior do Castelo, así como os valores históricos, artísticos, culturais e patrimoniais do Ben de Interese Cultural sobre o que se afecta o informe do CCG establece tres conclusións.

En primeiro lugar, considera necesario revisar a figura de protección actual para o Castelo de Monterrei (Ben de Interese cultural individual). Segundo o informe "non é unha figura de protección suficiente, xa que forma parte dun Conxunto Histórico que supón unha cadea de relacións espaciais onde se articulan espazos construídos, e os baleiros formando, xunto co territorio, un ambiente". Ademais, ofrece unha proposta de delimitación de "Sitio ou Conxunto Histórico de Monterrei". A segunda conclusión, considera que "debe revisarse o destino para un uso hosteleiro dunha parte actual do edificio do Castelo". Propón elaborar ou rematar un Plan Director do Castelo que contemple uns detalladados estudos previos e que inicidan no seu papel como elemento dinamizador da comarca.

Por último, o informe pon de exemplo da relación entre cidadanía e patrimonio no caso do Castelo de Monterrei. "Probablemente, o problema é que moitas veces se actúa sobre o patrimonio sen ter en conta que este é unha construción social, a que a cidadanía quere que sexa”. Por iso, pentende que "antes de continuar coas obras no sentido do proxecto reformado, sería oportuno ter en conta as consideracións deste informe". Ademais, volve propor a realización de "conferencias de consenso" para establecer unha converxencia e síntese dos diferentes criterios e valoracións.
 
Reconsiderar criticamente a actuación e establecer un período de reflexión aberto que acolla a todos os axentes implicados": Ademais, alerta da irreversibilidade dese cambio de uso.