FalaRedes achegará actividades para os máis novos a case 160 concellos

A Secretaría Xeral de Política Lingüística presentaba esta mañá a nova edición de FalaRedes, o programa de actividades de dinamización para os máis novos. Segundo sinalou o secretario xeral, Valentín García, a iniciativa contará con 5 actividades que se distribuirán polos case 160 concellos integrados na Rede de Dinamización Lingüística. Na presentación adiantáronse unicamente os concertos de Pablo Díaz e Olga Kirk en Toc Toc, que chegarán a vinte localidades entre marzo e abril. O Auditorio Municipal de Ourense acollerá o vindeiro día 1 a estrea destes recitais.