Detalle dun bodegón de Quintana Martelo
O bodegón oculto é o título da mostra que a Fundación Caixanova inauguraba no seu centro sociocultural da Coruña. Co lema A natureza morta na arte contemporánea galega, o proxecto amosa 39 obras de NCG Banco e da Fundación Novacaixagalicia centradas en obxectos inanimados. Coordinada por Carlos L. Bernárdez, na exposición recóllense obras de creadores como Quintana Martelo, Abelenda, Prieto Nespereira, Suso Fandiño, Seoane ou Manuel Vilariño, que se poden ver ata o vindeirio 19 de abril.
