Explorar, contando con participación cidadá, as formas de urbanismo difuso que se desenvolven nos bordes das urbes e a interacción entre o rural e o urbano que se dá nesas areas. Este é o obxectivo do proxecto O límite da cidade, que consta dunha exposición xa aberta e dun encontro que se desenvolverá o vindeiro 10 de febreiro no Forum Metropolitano da Coruña. A iniciativa, nada da colaboración entre o colectivo 1aUn e mais os obradoiros TEC, amosa o traballo desenvolvido por diferentes participantes en cursos de fotografía e encontros previos arredor do barrio do Castrillón, que se utiliza como exemplo destes espazos.
O encontro contará coa participación de diferentes profesores e egresados da Escola de Arquitectura da Coruña ademais de sociólogos, arquitectos e economistas.
