Tres publicacións sobre Xosé María Díaz Castro conmemorarán desde a editorial Galaxia o Día das Letra dedicado ao poeta chairego. Así, segundo anunciou a firma, verá a luz a Poesía galega completa do autor, un tomo que recolle os textos xa publicados Nimbos e mais o tríptico Nascida d’un sono. Ademais, na obra recolleranse preto de trinta poemas ata o momento espallados por revistas e obras colectivas, ademais de material inédito como os poemarios Follas verdes (1934) e Follas ô aire (1935), entre outros textos non publicados anteriormente.
A edición do volume correrá a cargo de Armando Requeixo, que asmiesmo asina a obra Xosé María Díaz Castro. Vida e obra, que está previsto que vexa a luz tamén este ano. A maiores, a editorial adianta que publicará por separado poemario Nimbos a partir da mesma edición de Requeixo para a poesía completa.
