Tal e como anunciara a mediados deste mes, Agalip, empresa editora de Oink! A revista do Xabarín Club, acaba de abrir unha campaña de crowdfunding para garantir a súa continuidade. Con esta iniciativa, a firma aspira a recadar un total de 36.000 euros, e oferta como recompensas chapas, números xa publicados da cabeceira, posters asinados polos debuxantes da publicación ou mesmo cursos de banda deseñada na escola O Garaxe Hermético. Oink! é na actualidade a única revista de banda deseñada en galego, e está orientada ao público infantil e xuvenil.
