Álvaro Guevara cos Goyas do filme Engurras no que participou
O pasado venres falecía, logo dunha longa enfermidade, Álvaro Guevara, actor, director, dramaturgo e fundador da compañía coruñesa Teatro del Andamio e da escola homónima. Guevara, nado en Arxentina, desenvolveu unha intensa carreira dramática no noso país tanto na súa compañía como en diferentes series e filmes. Títulos como Doente, O ano da carracha, Mia Sarah ou libro de familia fan parte da súa produción audiovisual. O corpo de Guevara, que tiña sesenta anos, foi incinerado o pasado sábado na intimidade familiar.
