O Salón Teatro de Compostela acolle o vindeiro 2 de febreiro a estrea de Matanza, un texto de Roberto Salgueiro que a compañía leva a escena con dirección de Bea Campos. Presentada como unha comedia visceral, a montaxe amósanos a situación de dous porcos sentintes e pensantes momentos antes de se encontrar co matachín. Omar Ferrín, Tone Martínez e Celia González son os actores que encarnarán os personaxes da historia.
