Reflexións sobre a identidade individual e colectiva, a dificultade de manter a intimidade e o control social son algúns dos eixes de Crise de identidade. A Fundación Granell inauguraba onte esta exposición na que se poden contemplar obras de Eugenio Granell, Din Matamoro, Kepa Garraza, Alain Urrutia, Fermín Jiménez Landa, Diego Vites, Kurt Schnitzer (Conrado), Nacho Martín Silva, Tamara Kuselman e Damián Ucieda nun proxecto comisariado por Ángel Calvo. A mostra poderá verse no compostelán Pazo de Bendaña ata o vindeiro 23 de marzo.
