Unha maridaxe entre literatura e gastronomía, a exposición Arte Mud, un concerto de Xardín Desordenado e mais a proxección do filme O Apóstolo. A Fundación Vicente Risco programa desde hoxe e ata o vindeiro domingo o ciclo Cultura con Risco, unha iniciativa coa que pretende dinamizar a vida cultural de Allariz. De xeito paralelo, a entidade pon en marcha a campaña de mecenado Amigos da Fundación, que permitirá a toda a poboación contribuír económicamente á mesma a cambio de descontos e vantaxes nas actividades e nas publicacións que se desenvolvan.
A iniciativa busca conseguir 40.000 euros anuais mediante cotas de 36 euros, unha cantidade que, segundo Luís Martínez Risco, presidente da entidade, garantiría a autonomía da Fundación.
