Un texto de Elaine Murphy recoñecido en escenarios de todo o mundo durante anos é a base da nova produción de Eme2 Teatro. Meu ben conta un ano na vida e nos problemas particulares de tres xeracións de mulleres de clase media. Elina Luaces, Mercedes Castro e Rocío González protagonizan esta historia baixo a dirección de Álvaro Lavín. O proxecto, que supón a primeira presentación no estado deste texto, estrearase o vindeiro 24 de xaneiro en Narón.
