A Asociación viguesa Bou Eva organiza o ciclo de debates "O dereito á cidade"

A Asociación viguesa Bou Eva organizou un ciclo de debates ao redor do urbanismo contemporáneo: "recuperamos aquela visión do urbanismo como un sistema complexo que integra dereitos, como a vivenda, con factores socio-políticos como a identidade ou a participación pública". As xornadas comezarán este sábado 11 cunha serie de relatorios sobre patrimonio e memoria a cargo de Iago Valverde, Xurxo Ayán, Manuel Gago e María Masaguer e continuarán o 1 de febreiro (O dereito á vivenda), 1 de marzo (o territorio, representación colectiva), 29 de marzo (espazo público e movementos sociais), 26 de abril (Vigo a debate). Para a asocaición Bou Eva, "con estas xornadas, lanzamos a proposta da cidade como un espazo apropiado pola maioría social no que as prácticas de resistencia creen novos sentidos e usos".