O temporal racha a Pedra de Abalar

A forza do temporal que afectou ao noso país nos últimos días deixou a súa pegada en Muxía. Apenas dúas semanas despois do incencio que calcinou o santuario da Virxe da Barca en Muxía, a coñecida Pedra de Abalar, situada diante do templo, rachaba onte por mor da forza do mar. Segundo sinala La Voz de Galicia a peza partiu pola mesma zona que en anteriores ocasións, próxima a un extremo, e agárdase que poida ser reparada de novo. O temporal arrasou tamén co muro que fecha o adro do templo.