Un incendio rematou onte con boa parte da imaxinería relixiosa do santuario da Virxe da Barca, en Muxía, lugar de celebración dunha das máis emblemáticas romarías de Galicia. O incendio, debido a un raio, prendeu na mañá do 25 de decembro, queimou o interior do templo arrasando pezas moi relevantes coma un retablo feito por Miguel de Romay en 1717, e compromete a estabilidade da bóveda. Dáse a circunstancia de que o templo foi recentemente restaurado por un custe de 400.000 euros. Con todo, a virxe gótica do santuario non foi afectada, xa que está localizada noutro espazo por cuestións de seguridade. O Conselleiro de Cultura visitará esta tarde o santuario.
