As reparacións do santuario da Virxe da Barca logo do incendio que o calcinou o pasado 25 de decembro serán sufragadas pola Igrexa. Aínda que nun comezo se barallou a posibilidade de que fose a Xunta a responsable da reparación, o Arcebispado de Santiago adiantou onte que asumirá estes custos, calculados nuns 800.000 euros. A Xunta, no entanto, asumirá o custo do proxecto construtivo, cifrado en 36.000 euros. O santuario dispuña dun seguro que previsiblemente cubrirá 500.000 euros dos traballos.
