Fanzines, discos e todo tipo de proxectos autoeditados de Galicia, España e mesmo Europa reúnense os vindeiros 20 e 21 en Grepo-Grepo, as III Xornadas de Autoedición que organiza o Liceo Mutante en Pontevedra. Trinta e unha propostas que inclúen publicacións de BD, ilustración, fotografía ou música fan parte da feira e dun programa que inclúe as actuacións musicais de Urro e Mano de Obra. Segundo sinala a organización, o número de solicitudes para esta nova edición triplicou as da anterior xeira.
