Grapo Grapo leva de volta a autoedición a Pontevedra

Logo do éxito da primeira xeira, e tal e como prometera, a asociación Liceo Mutante convocou para os días 21 e 22 deste mes a segunda edición das Xornadas Mutantes de Autoedición. As Grapo Grapo desenvolveranse os días 21 e 22 en Pontevedra e teñen confirmada xa a presenza dunha trintena de iniciativas de autoedición de fanzines, comics, discos, serigrafías ou outros soportes, entre as que se pode atopar unha moi nutrida presenza de iniciativas galegas. Os asistentes poderán adquirir exemplares destas obras nun programa que se completará con presentacións, música e outras actividades.