A Mostra de Teatro Infantil leva 17 montaxes a Ourense

Quince compañías de Galicia, Euskadi, Madrid, Castela a Mancha e Angola-Portugal montarán os dezasete espectáculos que compoñen o programa da X Mostra de Teatro Infantil de Ourense (MOTI). O evento, que recupera nesta cita o seu carácter internacional, inclúe A Bela Auria pequeniña, unha versión infantil da festa dos anos vinte que se celebra anualmente nas rúas de Ourense. No programa, que se desenvolverá entre os días 25 e 30 deste mes, inclúense propostas como as de Trécola Teatro, Caramuxo, Peter Punk, Teatro da Malta, Talía ou Kandengue Arts.