O IV Día de Urbano Lugrís reivindica o traballo do pintor na Coruña

Por cuarto ano consecutivo, A Coruña lembrará o traballo de Urbano Lugrís. O colectivo In Nave Civitas organiza o cuarto Día de Urbano Lugrís a percorrer os murais que o artista deixou na cidade. Un obradoiro de customización de paraguas con motivos mariños e surrealistas dará paso a un "desfile surrealista" polas rúas que culminará nun recital poetico. A coincidir con esta celebración, o Museo de Belas Artes da Cidade Herculina recibirá o mural Visión da Coruña 1830. In Nave Civitas agasallou a institución con esta peza que Lugrís pintara nun piso de Madrid e que agora foi extraída e trasladada á sede desta institución.