'A saga dos Lugrís' é o título da exposición coa que inicia a súa andadura e galeria de arte LAR na rúa Emilia Pardo Bazán da Coruña. Nesta mostra recolle traballo de Urbano Lugrís (A Coruña, 1908- 1973) e do seu fillo Urbano Lugrís Vadillo (1942-2018), tamén un reputado artista. En total son 10 as obras que se exhiben neste novo espazo, tres de Urbano Lugrís pai e sete do fillo. A nova galería LAR é un proxecto do coleccionista e anticuario Juan Olives Orrit e propón para ela ofrecer unha colección "dinámica e variada" de pintura galega, de diferentes autores, buscando, segundo as súas intencións, un "reflexo da herdanza cultural de Galicia".
