Milwaukee acollerá o primeiro simposio sobre Estudos Galegos en Norteamérica

Facer un mapa dos estudos galegos en Norteamérica é o obxectivo do simposio (Re)Mapping Galician Studies in North America, que se celebrará os vindeiros dous e tres de maio en Milwaukee, Estados Unidos. Esta é a primeira ocasión na que un evento destas características tentará reunir as diferentes investigacións que se fan sobre distintos aspectos da nosa cultura nesta área. Investigadores como Gabriel Rei-Doval, Alex Alonso, Iria Basoa Calvo ou Isabel Méndez Santalla participan na coordinación do encontro, que ten aberto o prazo de inscrición.