Acuario leva a escena os poemas de María Canosa

A Secretaría Xeral de Política Lingüística presentaba onte Acuario, o novo espectáculo que se incorpora ás actividades de FalaRedes, a rede de dinamización lingüística para os máis novos. O proxecto parte do poemario homónimo de María Canosa e pretende achegar aos máis novos aos versos en galego ao tempo que os convida a coñecer fauna e a flora do noso litoral. Teatro dos Ghazafellos, canda á propia poeta son os encargados de pór a obra en escena. A obra poderá verse o vindeiro día 30 en Cee, en Muxía e Muros o día sete e continuará a súa xira por outras localidades.