Bam Bam
O galego Vari Caramés acaba de facerse co Premio Bienal Internacional de Fotografía Contemporánea Pilar Citoler na súa sétima edición coa fotografía Bam Bam. O autor recibirá 15.000 euros de premio e terá unha exposición e mais unha publicación monográfica. O xurado destacou "a capacidade do autor para propor unha poética fotográfica do instante fugaz, tanto en branco e negro como a cor, alternando visións da súa terra natal galega e outras que denotan a súa vontade de errancia". Pola súa banda, o fotógrafo Adolfo Enríquez, afincado en Compostela, obtivo o Premio LUX de Bronce ao mellor retrato do ano 2013.
