Imaxe de Pasatempo. Vari Caramés.
Ata o vindeiro 15 de xaneiro a galería compostelá Trinta acolle unha exposición do último traballo de Vari Caramés. O fotógrafo, que acaba de levar o premio Pilar Citoler, explora coas súas fotografías e cun filme o parque do Pasatempo, en Betanzos. A visión de Caramés explora en Pasatempo os detalles do lugar nun traballo co que, segundo explica, pretende "evocar o deslumbramento e a sorpresa que experimenta un amateur a visitalo, transitando co seu tomavistas como un neno perdido nun soño".
