As reflexións de oito creadores, a través da videoarte e as instalacións, sobre os espazos públicos e privados. Este é o eixe da exposición
As tácticas do adversario, que ten en marcha a sala coruñesa Normal ata o vindeiro 30 de xaneiro. Con comisariado de Manuel Segade, o proxecto amosa traballos de Fernando Sánchez Castillo, Iratxe Jaio + Klaas van Gorkum, Mohamed Bourouissa, Jennie Livingston, Cyprien Gaillard, Carme Nogueira, Núria Güell e Mladen Stilinovic, que reflexionan sobre espazos como o centro comercial, a universidade, o fogar, o banco ou o bar.
