Un imputado por espolio arqueolóxico en Vigo

O domingo a Policía Autonómica detivo a un individuo que presuntamente estaba espoliando o sitio arqueolóxico do Fiunchal, en Vigo, ao que interviron sete moedas que foron remitidas ao Servizo de Museos e Arquivos da Consellería de Cultura. Segundo os veciños da zona, este establecemento romano é moi rico en moedas, mesmo de periodos posteriores, e informaron a Faro de Vigo de que o día posterior á detención, outras dúas persoas, con detectores de metais e paletas, volvían a traballar no sitio.