Catorce compañías de teatro, dúas promotoras musicais, dúas editoras e unha galería de arte repartirán 173.380 das axudas coas que a Axencia Galega das Industrias Culturais quere contribuír á distribucion e á proxección exterior dos nosos creadores. A liña de axudas, que aínda ten pendente de resolver unha segunda parte, apoiará na súa maior parte as xiras galegas e internacionais das compañías escénicas, ademais de cubrir parte da tourné estatal de Luar na Lubre. Canda a isto, as produtoras Mar Maior e Tres Laboratorio reciben apoios para ir á Feira Womex, mentres as editoras Ouvirmos e Hércules sufragarán con esta convocatoria parte da súa presenza en feiras internacionais como Frankfurt e Boloña. Pola súa banda, a Galería Trinta obtivo apoio para acudir a Casa Arte, ARCO e Lima Photo.
