GalicianTunes presentaba esta maña a representación galega no festival internacional Womex, que se celebra en Cardif entre o 23 e o 27 deste mes. aCentralFolque, Casa das Crechas, a asociación Clubtura, e os selos Nalgures, Fol Música/Boa e Mar Maior/Mirmidón participarán neste evento da man da marca para a proxección exterior da nosa música. A coincidir coa presenza neste festival, GalicianTunes presentaba a compilación
Road to Womex 2013, unha selección de 25 temas de artistas galegos que se poden escoitar no seu web. No marco do festival, Xosé Manuel Budiño realizará un showcase o vindeiro neres 25.
Ao evento tamén viaxa unha delegación institucional que recollerá o testemuño da organización do festival, xa que a vindeira edición está prevista que se celebre na Cidade da Cultura, en Compostela.
A coincidir con esta presentación, GalicianTunes presentaba tamén o seu novo web, no que se poden escoitar todos os discos editados no seo desta iniciativa e información sobre 137 artistas, o seu traballo, e datos para os contratar.
