Unha semana de actividades para conmemorar o Día das Bibliotecas

Aínda que o Día Internacional das Bibliotecas propiamente dito se celebra o vindeiro 24 de outubro, os centros deste tipo que dependen da Consellaría de Cultura preparan unha programación especial que se estende toda esta semana. O departamento da Xunta anunciaba esta mañá actos que se celebrarán nas bibliotecas nodais da Coruña, Ourense, Lugo, Vigo, Pontevedra e Santiago de Compostela, así como na Biblioteca de Galicia. Así ciclo Da tábula á tablet: o libro e as bibliotecas a través do tempo para os máis novos, levará ao Gaiás a evolución da lectura na historia. Canda a isto, haberá monicreques, contacontos, conferencias ou proxeccións audiovisuais. Na Coruña e en Pontevedra realizaranse sesións de bookcrossing mentres os diferentes centros ofertarán xornadas de portas abertas e visitas guiadas.