A vila francesa de Cannes acolle desde hoxe e ao longo de toda a semana unha nova edición do MIPCOM, un dos principais mercados do mundo de produtos audiovisuais para a televisión. No encontro participan once empresas galegas nunha delegación comercial coa que colaboran a Axencia Galega das Industrias Culturais (AGADIC) e mais o Instituto Galego de Promoción Económica (IGAPE). Galicia está presente cun espazo no pavillón Audiovisual from Spain e mais co catálogo Films from Galicia, do que a ConsellarÃa de Cultura Acaba de publicar unha nova edición que recolle 68 producións rematadas ou en fase de desenvolvemento.
