A Fundación Barrié presenta o Festivalín en Vigo

Difundir a arte e a cultura contemporáneas entre os máis novos, dun xeito lúdico e procurando desenvolver un espírito crítico. Estes son os obxectivos cos que nace o Festivalín, proposta da Fundación Barrié que se desenvolve desde hoxe e ata o vindeiro 13 de outubro en Vigo. O programa inclúe concertos, como os de Maga Kids, Katembe Project ou María Rodés. Tamén haberá obradoiros como o de Dj Guillamino, danza contemporánea a cargo LaLolabaila, un horto urbano ou a exposición Historias da historia. Os pais poderán atopar no mesmo marco conferencias como a do arquitecto Pablo Gallego Picard ou da pedagoga Eileen Adams. Todas as actividades se desenvolverán na sede viguesa da Fundación.