Denuncian a destrución de parte do Castro da Croa en Ponteareas

Escavadoras e outro tipo de maquinaria pesada destruíron parte do complexo sistema defensivo do Castro de Croa, en Ribadetea (Ponteareas), segundo denunciou o grupo ecoloxista local ADENCO, quen valorou a agresión como de "graves danos". O sitio arqueolóxico está definido na ficha de Patrimonio como "espectacular" pola súa complexísima sucesión de parapetos e foxos. Segundo os seus catalogadores, "pensamos na posibilidade de que a obra efectuada non se corresponda unicamente a un sistema defensivo, senón que ademais poida estar acompañada dunha posible zona de explotación de recursos, mina aurífera".