Imaxe de Retratos privados e espazos públicos
O Museo de Arte Contemporánea da Coruña (MAC) abría onte as portas da súa proposta expositiva para o outono. Relatos privados e espazo público é o título da exposición colectiva que, comisariada por Lola Dopico, recolle o traballo de cinco artistas coa fotografía a experimentar a relación do retrato cuns espazos públicos "que se ofrecen case como lugares de escenificación da vida urbana". Marta Cerviño, Lola Dopico, Silvia García, Maya Kapouski e Fernando Suárez son os escolleitos para amosar as múltiples vertentes destas relacións. A exposición permanecerá aberta ao público ata o 5 de xaneiro.
