Vinte e catro concellos integrados na Rede de Dinamización Lingüistica recibirán ao longo deste outono as actuacións programadas no seo do programa Os Axóuxeres. Caramuxo Teatro é a compañía encargada das actuacións que, dirixidas a crianzas de menos de seis anos tratarán o tema da descuberta do mundo a partir da familia e do fogar. O programa mestura cancións, xogos interactivos, historias e teatro. Os interesados en participar teñen xa aberto o prazo de inscrición ás actividades, que serán de balde.
