Política Lingüística presenta a segunda edicion do programa Axóuxeres

Lugo inicia, o vindeiro seis de setembro a segunda edición das Festas e Encontros dos Axóuxeres. Esta actividade, que presentaba esta mañá Marisol López, secretaria xeral de Política Lingüística, achegará aos máis pequenos actuacións musicais, xogos e actividades coa intención de concienciar sobre a transmisión da nosa lingua dentro da familia. A Festa dos Axóuxeres continuará ao longo deste mes por Compostela, Coruña, Vigo e Ourense, e a partir do vindeiro Outubro celebraranse, nun formato máis reducido, Encontros dos Axóuxeres en 25 vilas do país.