Unha exposición en Pontevedra amosa os traballos do premio Novos Valores

O Sexto Edificio do Museo de Pontevedra acolle desde hoxe e ata o vindeiro 27 de outubro a exposición Premios Novos Valores de Artes Plásticas 2013. Como o seu propio nome indica, a mostra recolle os 38 traballos que foron seleccionados e premiados no certame que convoca a Deputación Provincial. Antía Barba Mariño, con Sen título, impúxose e levou o premio de 4.000 euros. O segundo posto foi para Ana María González García e o terceiro levouno María Fernanda Llovo Otero.