O presidente da Deputación de Ourense, José Manuel Baltar, reuniuse onte cos alcaldes da banda ourensá da Ribeira Sacra para iniciar de novo as xestións para presentar a candidatura desta área cultural de novo a Patrimonio da Humanidade da UNESCO. Baltar manifestou a súa intención de reunirse con representantes do Goberno autonómico, coa Deputación de Lugo e cos alcaldes da banda luguesa para consensuar a proposta. A Xunta de Galicia xa tentara en 2005 promover a candidatura da Ribeira Sacra pero o proceso ficara parado.
