Unha nova xeira de Diálogos Improbables chega a Lalín

Este sábado 7, ás 18 horas, o Espazo NonLugar da Rúa Pena Toares, 7 en Lalín, acolle a quinta sesión dos Diálogos Improbables. Desta volta os creadores que contraporán os seus traballos serán Suso Fandiño e Fernando García. Os dous estarán acompañados pola comisaria Ane Agirre, que os entrevistará, reflexionará sobre o encontro e elaborará os textos sobre o mesmo que se incluirán no catálogo que resumirá o conxunto das accións do ciclo. Esta será a quinta das seis entregas do proxecto que se desenvolve na capital do Deza.