Fotografía de Óscar Palomares premiada en PhotoÁgora
Co lema Compartir e educar o vindeiro 7 de setembro comezan na Coruña as I xornadas PhotoÁgora. Os encontros comprenden unha clase maxistral semanal a cargo dalgúns dos máis recoñecidos fotógrafos do panorama estatal no centro cultural Ágora. Ouka Leele, Chema Madoz, J.M. Navia e Castro Prieto serán os responsables das actividades desta primeira edición, que se complementa coa exposicións dos traballos gañadores no I Concurso Internacional de Fotografía PhotoÁgora. Centrado na cultura nos barrios, o primeiro premio deste certame foi para Óscar Palomares pola súa serie Gracia, tradición y color.
