Un sábado para imaxinar

É o terceiro ano consecutivo que a Fundación Cidade da Cultura repite festival. Cidade Imaxinaria é o nome dun evento que xunta a magos, titiriteiros, zancudos, pallasos, malabaristas… uns cen artistas que ofrecerán 19 espectáculos en distintos pases. Hai un pouco de todo, desde a sala de cine máis pequena do mundo (Puck Cinema) ata marionetas de carne e óso, pasando polos fogóns da Cociniña saborosa. Revisamos con María Pereira, a directora de acción cultural da Fundación Cidade da Cultura, os cinco espectáculos imprescindibles deste festival.

Cidade Imaxinaria é un festival dun único día que concentra un pouco de todo. Un formato que gusta especialmente á Fundación Cidade da Cultura que repite por terceiro ano. “Ten a vantaxe de pasar un día completo no que adultos e cativos disfruten conxuntamente das actividades que se desenvolven” explica María Pereira, que defende a modalidade do encontro explicando que “xa temos outras actividades que se van espallando no tempo ao longo do ano, e que agora co bo tempo e as vacacións preferimos xuntar todo nun día para crear un momento de intensidade nun espazo único”. A Cidade da Cultura ábrese ao público nesta xornada de balde (aínda que para algún espectáculo haxa que retirar entradas) que este ano mellora infraestrutura de servizos (restauración e seguridade principalmente) para poder dar acubillo ás máis de 5.000 persoas que se agarda acodan a este espazo durante a xornada do sábado.

As 5 actividades imprescindibles
De entre as 19 actividades previstas, pedímoslle a María Pereira que destacase cinco eventos pola súa singularidade. Son os seguintes:

Colours de monstre


Compañía: Tombs Creatius
Lugar: Praza Exterior.
Horarios: 11:30-14:30 horas / 16:30-20:30 horas.
Todos os públicos.
Para María Pereira unha das propostas imprescindibles é a instalación Colours de monstre que se sitúa como elemento central na praza exterior. “É unha gran zona de xogos de habilidade que nos vai permitir poñer a proba a nosa destreza a través de instrumentos de xogos tradicionais feitos en madeira. Son xogos que moitos de nós xogabamos e se están a perder e que podemos ver todos xuntos este día” explica.

O bo vén en frascos pequenos


Compañía: Circortito
Lugar: praza exterior.
Horarios: 12:30 e 18:00 horas
Duración: 50 minutos
Todos os públicos
“O bo vén en frascos pequenos” é o espectáculo que Sarini, unha intrépida trapecista e acróbada, e Dieguete, un atrevido humorista poñen en marcha. Para María Pereira está “na onda circense e aínda que non se trata dun espectáculo que demande unha gran participación do público, veremos e admiraremos a destreza e habilidade dun trapecio que é moi difícil de manexar”

Moulin Rouge


Compañía: Troula Animación
Lugar: Praza central
Horarios: 13.30h – 14.30h, 16.30h – 17.00h, 20.00h – 20.30h.
Todos os públicos
“Trátase dun cabaré ao estilo Moulin Rouge, un pasarrúas duha compañía galega que fará tres pases ao longo do día”. Un muíño móbil, xigantes, malabaristas… ofrecerá espectáculos cómicos e números de danza pola praza cenral dándolle ese aire festivo ao encontro.

Sin Sin Calcetín


Compañía: Ludus
Lugar: Aula 2 da Biblioteca e Arquivo de Galicia.
Horarios: 12:30, 17:00, 19:00.
Duración: 1 hora e 15 minutos cada pase.
Aforo máximo: 120 persoas cada pase.
A partir de 3 anos.
Trátase dun concepto de actovdade máis de pequeño formato que estará na bibioteca apunta María Pereira. “É un espectáculo onde imos amosar a sinxeleza de moitas cousas que habitualmetne temos, como é a roupa que usamos dun xeito cotiá e da man do mago Fran Qué, que é un compañeiro que ofrecerá un espectáculo moi divertido e cunha sensiblidade diferente”

Teatrino dei Piedi


Compañía: Verónica González
Lugar: Aula 2 da Biblioteca e Arquivo de Galicia
Horarios: 12:00, 13:00, 17:30, 18:30 e 19:30
Duración: 30 minutos cada pase.
Aforo máximo: 40 persoas por pase.
A partir de 3 anos
O repaso polos cinco imprescindbiles desta actividade festiva como é a Cidade Imaxinaria son as marionetas de carne e o óso de Teatrino dei Piedi. Verónica González transforma os seus pés en personaxes que contan historias a ritmo de música e humor.