O proxecto Música en Branco: memoria da Agra do Orzán vén de resolver a súa convocatoria de financiamento de accións culturais vinculadas ao patrimonio sonoro e musical do barrio. Seleccionáronse, tras un mes de avaliación, 3 das 16 iniciativas presentadas por colectivos, asociacións culturais, produtoras audiovisuais e artistas individuais ao concurso aberto. As tres escollidas desenvolveranse á volta do verán, coincidindo co peche de Música en Branco: memoria da Agra do Orzán, un proxecto da ConcellarÃa de Cultura da Coruña cofinanciado polo Fondo Europeo de Desenvolvemento Rexional (Feder) no marco do programa Urbana-C. Hortas de ladrillo e casas de perexil, de Pista Catro Produtora; Feira Artesá, de TANKollectif e Niquelarte; e Agra do Orzán, o barrio dos músicos, de Tres Laboratorio de Ideas e Comunicación, son as iniciativas elixidas.
