Un dente infantil é o resto humano máis antigo do país

A cova de Valdavara, en Becerreá agochaba o resto humano máis antigo que se coñece en Galicia. Os investigadores do proxecto mixto da Universidade de Santiago e o Instituto Universitario da Universitat Rovira i Virgili de Tarragona (IPHES) atoparon neste lugar un dente de leite correspondente a un individuo duns dez anos de idade e que data do Paleolítico, hai máis de 17.000 anos. A peza, moi gasta apareceu durante as prospeccións realizadas no depósito desta coba o pasado ano, aínda que o achado non se fixo público ata onte.