Unha xornada pecha esta semana o congreso sobre Rosalía

Este xoves 27 terá lugar a última das xornadas organizadas no marco do Congreso Internacional Rosalía de Castro. A cita presencial pretende amosar a eficacia das novas ferramentas analíticas para propor unha interpretación global da figura e da obra rosaliana, co fin de integrar con coherencia dimensións ata o de agora silenciadas ou infravaloradas. Baixo a coordinación de Helena González e Dolores Vilavedra esta xornada contará coa presenza de, entre outros, Xosé M. Núñez Seixas, Afonso Vázquez-Monxardín ou María López Sández.