A Xunta anunciou que está procedendo a integrar a titularidade dos edificios do Museo do Mar de Vigo na Xunta de Galicia, tendo a consideración de "fundación do sector público de Galicia". Ata o momento, a Fundación do Museo do Mar de Galicia, creada en 2010, xestionaba o Museo pero as propiedades pertencían ao Estado. Coas novas políticas de concentración de recursos, fusións e eliminación de organismos do Goberno estatal, a propiedade pasará á administración autonómica.
