A medio camiño entre unha residencia, un laboratorio de creación e un curso de verán. O colectivo Baleiro acaba de abrir o prazo de presentación de proxectos (ata o 30 de xuño) para recibir propostas de xente interesada en participar nun proxecto en progreso que aborde cuestión como o software e hardware libre, o transfeminismo, a interactividade, o storytelling, as cartografías experimentais, a performance, a háptica, o biohacking….O traballo desenvolverase principalmente en Baleiro, un espazo anexo á Facultade de Filoloxía da USC, apoiado pola Universidade pero de xestión independente entre o 19 e o 29de agosto.
É un evento comunitario, que sufragará o aloxamento de nove persoas do que dan en chamar AA (arco atlántico), unha rede distribuída de axentes culturais que funcionamos como unha plataforma de recursos para o impulso de proxectos na rexión do Arco Atlántico. O formato de traballo fomenta un sector libre, aberto e de balde no que as propostas se asenten no Do It Yourself e o Do It Together.
