Desde hai 30 anos, Cangas ten uns dez días nos que se converte na capital do teatro e do humor. Este ano será concretamente do 28 de xuño ao 7 de xullo e celebra, nun contexto de crise, o seu trinta aniversario cunha trintena de actividades espalladas en varios espazos. O auditorio municipal, o Salasón, a rúa servirán de acubillo de espectáculosp ara todos os públicos. Este ano cobran gran protagonismo as micropezas de teatro que teñen unha sección propia. Obradoiros e actividades paralelas en colaboración con outros colectivos, seguindo a tónica habitual doutros anos, fan parte da programación. As entradas (desde 6 euros) e os abonos (40 euros) xa están á venda.
