Faixas de manifestacións do movemento feminista en Galicia. Foto: CCG
A Comisión de Igualdade do Consello da Cultura Galega naceu no 2005. Desde entón, púxose como tarefa a recuperación e conservación dos fondos e da memoria do movemento feminista organizado en Galicia, desde a segunda metade do século XX ata a actualidade. Atoparon unha realidade documental vizosa, pero moi dispersa e con frecuencia, en estado ruinoso. Neste novo informe, dan conta da súa estratexia e dos fondos que están a atopar e procesar para que non desapareza fisicamente a memoria das reivindicacións de xénero na Galicia do século XX.
