O pasado 31 de maio iniciou a súa actividade o Festival de Música Cidade de Lugo-XLI Semana de Música do Corpus. Logo dos primeiros concertos, a actividade continúa hoxe cunha sesión de Sinfonías de peto Haydn e Mozart a cargo de La Tempestad e prolongarase ata o vindeiro 12 de xuño. Pola súa banda, a Fundación Vicente Risco presentaba onte en Ourense o I Curso de Música Medieval de Galicia, que se desenvolverá entre o 23 e o 29 de agosto e ten xa aberta a súa inscrición. O programa desenvólvese entre Allariz, Celanova, Maceda e Xunqueira de Ambía e inclúe actuacións musicais.
